Ұлттық академиялық кітапханада ақын, ҚР Мемлекеттік сыйлығының иегері Несіпбек Айтұлының 70 жас мерейтойына арналған «Азаттық жырының айбозы» атты әдеби онлайн кездесу өтті.
Іс-шара барысында ақының өмірі мен шығармашылығы, сонымен қатар қазақ руханиятында әдеби мұраны зерттеуге қосқан үлесі туралы айтылды. Несіпбек Айтұлының әдеби-ғылыми мұрасы мен қайраткерлігі, қоғамдық өмірдегі рухани қызметі мен тағылымдық қасиеттерін оқырмандарға кеңінен насихатталды.
Жиынның модераторы – ақын, Нұр-Сұлтан қаласындағы Қазақстан Жазушылар одағы филиалының басшысы, Қазақстанның Еңбек сіңірген қайраткері, Халықаралық «Алаш» әдеби сыйлығының иегері Дәулеткерей Кәпұлы болды.
Әдеби онлайн кездесуге зиялы қауым өкілдері мен кітапханашылар қатысты.
