Қазақстанда 6 айдан 2 жасқа дейінгі балаларға арналған пайдалы тағамдар рецептері бар кітап жарық көрді.
Тағамдардың барлық рецептері балалардың дұрыс тамақтануы бойынша Дүниежүзілік денсаулық сақтау ұйымының ұсынымдарына сәйкес әзірленіп, біздің мәдени және аспаздық дәстүрлерге сай бейімделген.
Кітап авторы — педиатр, медицина ғылымдарының докторы, профессор және халықаралық консультант Гаухар Абуова.
Кітап Қазақстандағы БҰҰ Балалар қорының (ЮНИСЕФ), ҚР Денсаулық сақтау министрлігінің Қоғамдық денсаулық сақтау ұлттық орталығының және Қазақстанның әйелдер күштері альянсының қолдауымен жарыққа шықты.
