«Ұлы даланың ұлы есімдері» ашық лекциялар легінің келесі жарияланымын назарларыңызға ұсынамыз:
Біз елге қызмет етудің озық үлгісін көрсеткен ұлтымыздың дана қайраткерлерінен тағылым аламыз. Тұңғыш қазақ педагогы — Ыбырай Алтынсарин екі түрлі ірі мəселені алдына басты мақсат етіп қойды:біріншісі — мектеп ашу, бала оқыту, жалпы халықты ағарту жұмысы; екіншісі — халықтың ой-санасын жаңалыққа қарай бейімдеу жолындағы тəрбиелік істері.
Ыбырай Алтынсариннің туғанына 180 жыл және Қазақстан Тәуелсіздігінің 30 жылдық мерейтойы аясында танымал ақын, Жамбыл атындағы Халықаралық сыйлықтың лауреаты, филология ғылымдарының докторы, профессор Серікбай Оспанов Ұлт Ұстазының идеясы мен мұрасы жайлы сөз қозғады.
Ыбырай Алтынсарин 1841 жылы қазан айының 20-сында қазіргі Қостанай облысы, Қостанай ауданында дүниеге келген.
