Отбасы – жеке тұлғаның өсіп-өнетін, тәрбие мен мейірім нәрін алатын ыстық та қадірлі ұясы. Әр адамның өмірінде отбасы деген ыстық сөз үлкен рөл атқарады. Себебі адам өміріндегі ең қуанышты да қызық дәурені отбасында өтеді.
Бақытты отбасы дегенде көпшілігіміздің көз алдымызға қайратты әке, мейірімді ана, жадыраған балалар келеді. Шынында да солай. Отбасының бақыты үшін көп нәрсенің қажеті жоқ. Жанұя мүшелерінің сыйластығы, махаббаты, бір-біріне деген құрметі мен сүйіспеншілігі болса жетіп жатыр.
