Елордада «OTBASY DUATLON 2022» байқауы өтеді
2 қазанда елордалық Триатлон паркінде балалар жылына арналған «OTBASY DUATLON 2022» жарысы өтеді.
Тіркеу нөмірлері 2 қазанда сағат 08:00-ден 10:00-ге дейін беріледі. Жарыстарға қатысуға 8 жастан 9 жасқа дейінгі, 10 жастан 11 жасқа дейінгі және 12 жастан 13 жасқа дейінгі жас санатындағы балаларға қатысуға рұқсат беріледі. Ал ата-аналардың жасы маңызды емес.
Жарыс екі спорт түрінен үш қашықтықта өткізіледі. Қашықтықтың жалпы ұзындығы 4,5 км құрайды.
Әкелер сөре сызығынан 2,1 км қашықтықты бірінші болып жүгіріп өтеді, олар эстафеталық таспаны аналарға береді және транзиттік аймақта күтеді.
2,1 км велосипедпен екінші болып эстафетаны балаларға беретін аналар өтеді.
Үшінші жүгіріс мәреге дейін 200 м (8-9 жас, 10-11 жас, 12-13 жас) жетеді.
«Әр топтағы жарыс жеңімпаздары барлық қашықтықты еңсеруге жұмсалған уақыт бойынша анықталады. Барлық қатысушылар жарысқа қатысқаны үшін медальдармен марапатталады. Үздіктер I, II, III дәрежелі дипломдармен және бағалы сыйлықтармен, атап айтқанда: теледидар, микротолқынды пеш, шаңсорғыш, термопот, смартфон, смарт-сағат, велосипедпен марапатталады»,- делінген хабарламада.
